Vårhelg på hytta
Helga 24.-25. mai var ein gjeng unge vaksne i laget på lagshytta, Eidsholmen. Trass kald vind vart det moglegheit for både bading, kubb og kaffi i solveggen, i tillegg til inneaktivitetar.
![Kubb-vinnarar. Foto: Kjersti Johanne Nybø](http://bergen.ungdomslag.no/wp-content/plugins/lazy-load/images/1x1.trans.gif)
Godt nøgde kubb-vinnarar. Foto: Kjersti Johanne Nybø
Me har mange gode instruktørar i laget, og laurdag kveld fekk me moglegheit til å ta del på kortkurs i lindy-hop, godt leidd av Eva-Brita og Erik. Då hadde nokre allereie teke det fyrste badet, og den fyrste kubb-seieren. I kveldinga vart det så korgfest med bugnande bord, og ny kubb-runde. Kaffi og kaker kom på bordet i elleve-tida – lange måltid, gode samtalar og nokre venskapeleg, men harde, omgangar kortspel høyrer til på hyttetur.
![Kurs i lindy-hop. Fotograf: Kjersti Johanne Nybø](http://bergen.ungdomslag.no/wp-content/plugins/lazy-load/images/1x1.trans.gif)
Lindy-hop. Fotograf: Kjersti Johanne Nybø
![Langbord og korgfest i peisestova. Fotograf: Kjersti Johanne Nybø](http://bergen.ungdomslag.no/wp-content/plugins/lazy-load/images/1x1.trans.gif)
Langbord og korgfest i peisestova. Fotograf: Kjersti Johanne Nybø
Sjå fleire bilete på flickr-sida vår, og set av datoane for neste hyttetur for unge vaksne (19-ca 35 år), 13.-14. september.