Hyttedansen laurdag 18. oktober vart svært kjekk for dei som våga seg ut i uveret. Diverre var det ikkje så mange til stades, men dei som var der fekk servert eit variert program, varm mat og godt samvere.

Brynjulf Langballe opna kvelden med diktet “Kveld i november” av Olav H. Hauge, og med dette vart stemninga for kvelden sett. Ute var det ruskever, men det er ikkje so mykje å gjera med hausten, den kjem når den må. Det vert desto viktigare å kosa seg innandørs.

Ei saknads solbunde åt ei myrk jord.

Og det vart solbunder nok til deltakarane på hyttedansen. Maria og Eva-Marie Toppe spelte både feler, gitar og nykkelharpe, og framførte både norsk folkemusikk, irske slåttar i svensk bunad, og gav oss fin song. Song vart det òg frå Kvedargruppa i Bergen, og frå danske Anna E. Pedersen, som viste at tradisjonane i Danmark og Noreg gjerne heng tettare saman enn me tenkjer over. Alle gruppene spelte og song til dans etter maten, og dansarane fekk då prøva seg både på instrumental- og vokalmusikk frå Noreg, og godt dansk spel. Nokre hyggelege overraskingar kom òg i løpet av kvelden, som Magnhild i Kvedargruppa si flotte Kaffevise som avslutta bordseta, og den improviserte instruksjonen i danske dansemåtar som gjorde at ein verkeleg fekk pulsen opp.

Under kan du sjå fleire bilete frå hyttedansen. Alle foto ved Kjersti J. Nybø.