Foto: Anna Egholm Pedersen

Tradisjonen tru vert det 17. mai-feiring i Bergen ungdomslag Ervingen. Dagen startar med at laget tek del i hovudprosesjonen (kolonne 5 – oppmøte seinast kl. 10.15 på Koengen). Alle som vil spela, dansa og gå i prosesjon med oss er velkomne.

Etter prosesjonen vert det kafe i Gimle klokka 12.00-14.30, med leikar for dei minset (kl. 13-14). Her vert sal av graut, kake, pøler, is og brus, slik som høver seg på nasjonaldagen.  På kvelden vert det folkedansframsyning på Torgallmenningen kl. 18.45 – 19.15, med folkedanslaget, ungdomsringen og Fjellbekken.