Styret har lenge hatt eit ynskje om at ledige kontorplassar på kontoret skal nyttast av organisasjonar med samanfallande interesseområda som laget. Dei som har vore innom kontoret i haust har sett to nye fjes som oppfyller denne visjonen.

Live Havro Bjørnstad Foto: Borghild M. Opdahl

Tormod Kleiveland
Foto: Borghild M. Opdahl

Live Havro Bjørnstad er prosjektmedarbeidar for Hordaland Mållag og Bergen Mållag. Lagsstyret vil applaudere det gode arbeidet i Hordland Mållag, som har klart å få på plass finansiering til ei stilling.  Live starta i jobben i slutten av august, og hovudoppgåva var å fremja nynorsk frå barnehage til høgare utdanning. Men i september kom intensjonsplan for etablering av Vestlandsregion, der det ikkje kom klart fram kva som skal vere hovudmålføre i den nye regionen. Då blei det viktig å mobilisere mållag og andre nynorsktilhengarar til å sei si meining, mellom anna ved å skrive høyringssvar til fylkeskommunane.

Tormod Kleiveland arbeidar som festivalsjef for Osafestivalen på Voss. Osafestivalen har som føremål og fremja kunnskap og vørnad for norsk folkemusikk – ved tilskiping av seminar og konsertar , der folkemusikken vert formidla i tradisjonell form, i samspel og møte med klassisk musikk og i nykomposisjonar inspirert av folkemusikken vår. Årets festival er nyleg gjennomført, men Tormod  er allereie i gong med planlegginga av neste år festival. Han vert glad om han ser deg på Voss 27.-29.oktober neste år, så marker datoane i kalenderen.

Me har no fått eit kontorfellesskap der målsak og folkemusikk står sterkt. Kanskje kjem det idear til nye prosjekt i lunsjpausane?