Folkedanslaget og folkemusikklubben Columbi Egg inviterar til Folkemusikkfesten 2014 i Gimle, laurdag 8. februar klokka 19.30. Det vert både konsert og dans til storgruppa Väsen frå Sverige og tex-mexbandet Texanos. Dansen varar til rundt midnatt, og det vert moglegheit for å kjøpa kaffi og kaker. Alle er hjarteleg velkomne!
Laurdag 25. januar opnast dørene i Gimle for årets fyrste dansefest. Folkedanslaget skipar til Spel- og dansemaraton, og det kjem ein heil haug spelmenn og spelmannslaget for laga god stemning. Då kan ikkje dansarane svikta! Kom, kom!
Dei faste aktivitetane i folkedanslaget er no godt i gang, og det blir mykje moro i Gimle denne våren. I tillegg blir det òg skipa til ei heil rekkje andre festar og kurs. Oversynet over våren ser du under her (Du kan sjølvsagt òg finne alt saman i kalenderen vår). Dans- og spelmaraton Laurdag 25. […]
28. desember opnar Folkedanslaget dørane til storsalen i Gimle, og inviterar alle til romjulsdans frå klokka 20-23. Opplett og Kristoffer Kleiveland skal spela, og det vert turdans og songdans med Opplett. Velkomen til eit triveleg avbrekk frå familiefeiringa!
Ikkje gløym at det er julelagsmøte i kveld! Me feirar at eit godt lagsår er omme med graut, song, loddtrekking, underhaldning, kviss, latter og moro. Det byrjar kl. 18.00 i Gimle.
Endeleg har me fått nye nettsider! Venteleg er det framleis nokre ting som ikkje er heilt på stell, men styret meinte at nettsida var så godt som ferdig, og klar til ein testrunde. Ta kontakt med kontoret om du finn feil eller manglar.
Ami Petterson Dregelid og Ellika Frisell kjem til Gimle 28-29 september for å halde kurs i danseteknikk. Meld deg på til kontoret@bergen.ungdomslag.no.